أش هاذ الحال البدال

حليمة أبو الفلاح

أش هاذ الحال البدال

 لي ما بحالو حال

حالنا يبكي في كل الأحوال

 عايشين في الظلم والطغيان

عايشين في غابة مع وحوش متنكرة في صفة إنسان

 ناس شعارها الظلم والطغيان

 نسيتو راسكم وكبر ليكم الشان

وحتا نتوما طلعتو البرلمان

بديتو تفلسفوا

وفي خطابكم تكذبوا

 واش من ربي ما خفتوا

 ما حشمتوا

 ما راعيتوا

في وجوهنا تنافقوا

وعلينا ضحكوا

 باركة علينا غير نشوفوا و نسمعوا

 حسبتونا حمير وعلى ظهرنا ركبتوا

درتوا فينا ما بغيتوا

 شحال ديال الأموال سرقتوا

وشحال ديال الشعب حكرتوا

وشحال من مسكين مقهور قمعتوا

 وشحال ديال الأوراق على حساب الشعب وقعتوا

 وفي أموال الحرام غرقتوا

ماشبعتوا ما قنعتوا

تبرعتو والماركات لبستوا

 وآخر موديل طونوبيلات ركبتوا

وفي الفقير ما فكرتوا

وبحقوقنا لعبتوا

عطيناكم صوتنا وبسبابنا طلعتوا

ساعة تكبرتوا وفينا ما فكرتوا

غركم الطمع ونسيتوا

وعدكم لينا تحكرنا وتشومرنا

وفي المذلة عشنا

 وعلى إرتفاع الأسعار ما عولنا

جعنا وتشردنا

 تحفينا وتعرينا

خرجنا الشوارع وبصوت واحد نطقنا

 وعلى التغيير اتفقنا

جا امنكم حكرنا وقمعنا

وبغا يسكتنا وحنا عقنا وفقنا

 وسباستكم ما بقات تنفعنا

و خطابكم ما بقا يخذعنا

 وقمعكم ما بقا يخلعنا

 ومغنسكتوش على حقنا

 يا وزراء وحكومة بغينا ..

 نعيشوا بحال ولادكم نتوما راحنا عينا وملينا

 ونتوما سيادتكم عارفن لمن تحلوا الباب

 معلوم حيت كتستعملوا قانون الغاب

 كونوا عادلين وفكرو في العقاب والحساب

 وباركة من العذاب

 خربتوا البلاد

 اشنوا باقي ليكم عاد غرقنا في كثرة الرشوة والفساد

 هزيت يدي السما ودعيتكم لرب العباد

 وقلت يا وهاب

 خوذ لي حقي من لي كان حيلة وسباب

 بسبابوا قل رزقي وتسد في وجهي الباب.

 

عن hassan

تعليق واحد

  1. عمل رائع
    تعبير عن الواقع المعاش

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

إحالة ملف الشقوري المعتقل السابق بغوانتانامو على غرفة الجنايات الابتدائية بسلا

الأنباء بوست قررت غرفة الجنايات الابتدائية ...

أخنوش: نراهن على الطاقات الشابة ومصالحة المواطنين مع العمل السياسي

الأنباء بوست أكد رئيس حزب التجمع ...

الاحتفال بالسنة الأمازيغية الجديدة 2967: مناسبة لإبراز العمق التاريخي والتنوع الثقافي

الأنباء بوست تحل اليوم الجمعة السنة ...

اشتوكة أيت باها: جمعية أيادي الخير تحتفل بـ ” ايض يناير “

الأنباء بوست اجتمع أمازيغيون في احتفال ...

على النساء الحذر من مواليد هذه الأبراج لأنهم ميّالون للخيانة

الأنباء بوست في إحصاء أجراه موقع ...

ملحم زين يفجر مفاجأة: سعد لمجرد تعرض لمؤامرة وانا على اتصال معه هاتفيا

الأنباء بوست تحدّث الفنان ملحم زين ...